“ජනාධිපතිවරණය පැවැත්වීම තවත් කල් යයි” යනුවෙන් එම පුවතේ සිරස්තලය වූ අතර එම පුවත තවත් වෙබ් අඩවි කිහිපයක් ද වාර්තා කර තිබෙන බව Factseeker නිරීක්ෂණය කළේ ය.

මේ අතර මැතිවරණ කොමිසම ජනාධිපතිවරණය පැවැත්වෙන් දිනය ප්‍රකාශයට පත් කිරීම තවදුරටත් කල් යන  බවට සදහන් පුවත් හුවමාරු වන බැවින් මෙය ජනතාව තුළ ව්‍යාකූලත්වයක් ඇති විය හැකි බව  ජාතික ජන බලවේගයේ පාර්ලිමේන්තු මන්ත්‍රී විජිත හේරත් ද අද (25) පාර්ලිමේන්තුවේදී ප්‍රකාශ කළේ ය.

මේ සම්බන්ධයෙන් Factseeker   මැතිවරණ කොමසාරිස් සමන් ශ්‍රී රත්නායකගේ කළ විමසීමකදී ඔහු ප්‍රකාශ කළේ ජනාධිපතිවරණ දිනය ප්‍රකාශයට පත් කිරීම තවදුරටත් ප්‍රමාද වන බවට පළවන පුවත් අසත්‍ය වන අතර ජනාධිපතිවරණය පැවැත්වෙන දිනය හෙට (26) ප්‍රකාශයට පත් කරන බව ත් ය.

මේ සම්බන්ධයෙන් වන නිවේදනයක් ද මැතිවරණ කොමිෂන් සභාව අද නිකුත් ක‌ළේ ය.

ජනාධිපතිවරණයට අදාළ ගැසට් නිවේදනය හෙට (26) ප්‍රකාශයට පත් කරන බව එම නිවේදනයේ සදහන් වී තිබිණි.

ඒ අනුව ජනාධිපතිවරණ දිනය ප්‍රකාශයට පත් කිරීම ප්‍රමාද වන බව ප්‍රධාන ධාරාවේ පුවත්පත් මෙන්ම වෙබ් අඩවි පළ කළ පුවත් අසත්‍ය බව Factseeker තහවුරු කරයි.