ජනපතිවරණයේදී පොරොන්දු වූ උපාධිධාරී රැකියා අය – වැයේ පොරොන්දු අතර නෑ.
හෙදියන් සහ පවුල් සෞඛ්‍ය ක්ෂේත්‍රයේ පුහුණුව ලැබූවන් විශාල සංඛ්‍යාවක් ද රැකියා විරහිත උපාධිධාරීන් 35 000 ක් 40 000 ක් පමණ සිටින බව විපක්ෂ නායක සජිත් ප්‍රේමදාස අය - වැය දෙවනවර කියවීමේ විවාදයේදී ඉකුත් 21 දා ප්‍රකාශ කළේ ය.
by Anonymous |
පෙබරවාරි 24, 2025
උපාධිධාරීන් 35 000 කට වැඩපිළිවෙලක් සකස් කරන බව ජනාධිපති අනුර කුමාර දිසානායක ජනාධිපතිවරණයේදී දුන් පොරොන්දුව ඉටු කරන ලෙස ඔහු එහිදී අවධාරණය කළේ ය.
රජයේ රැකියා 30 000ක පුරප්පාඩු පිරවීම වෙනත් කරුණක් බව පැවැසූ විපක්ෂ නායකවරයා, උපාධිධාරීන් 35 000කට ලබා දුන් පොරොන්දුව ද ඉටු කරන්නැයි වැඩිදුරටත් සඳහන් කළේය.
FactSeeker මේ සම්බන්ධයෙන් කරුණු සොයා බැලීය.
පළමුව ජනාධිපති අනුර කුමාර දිසානායකගේ ජනාධිපතිවරණ ඉදිරිපත් ප්‍රතිපත්ති ප්‍රකාශනයේ උපාධිධාරීන් සම්බන්ධයෙන් දුන් පොරොන්දු පිළිබඳව අපි සොයා බැලුවෙමු.
එහි සඳහන් වූයේ, රැකියා විරහිත උපාධිධාරීන් 35 000කට රැකියා අවස්ථා ලබා දෙන බවයි.
මේ අතර ජනාධිපති අනුර කුමාර දිසානායක 2025 අය – වැය ඉදිරිපත් කිරීමේ දී රැකියා විරහිත උපාධිධාරීන් හා තරුණ පිරිසක් නිර්මාණය වී ඇති බවත් රාජ්‍ය අංශයේ අත්‍යාවශ්‍ය පුරප්පාඩු සඳහා 30 000ක් බඳවාගැනීමට සැලැස්මක් ක්‍රියාත්මක කරන බව ත් ප්‍රකාශ කළේ ය.
රැකියා විරහිත උපාධිධාරීන් 35 000 සම්බන්ධව ජනාධිපති අනුර කුමාර දිසානායක අය – වැය කතාවේදී ඍජුව අදහස් දක්වා නැත.
