නමුත් ශ්‍රී ලංකාවේ නිර්මාණය කරන ඇතැම් නිර්මාණ සමාජය නොමඟ යැවීම කෙරෙහි ද බලපා තිබෙන බව FactSeeker නිරීක්ෂණය කළේය. මේ අනුව ෆේස්බුක් ඔස්සේ පසුගිය දින කිහිපයේදී හුවමාරු වූ පහත වීඩියෝ නිර්මාණයන් කෙරෙහි FactSeeker අවධානය යොමු විය.

https://www.facebook.com/share/v/1F37DsfJem/

https://www.facebook.com/share/r/1Z2qX5yJN2/

මෙහිදී පළමු වීඩියෝවේ සුනඛයින් දෙදෙනෙකු විසින් කුඩා දරුවකු බේරා ගන්නා අවස්ථාවකුත්, අනෙකුත් වීඩියෝවේ මලක් බවට පරිවර්තනය වන කෘමියෙකු පිළිබඳවත් දැක්වේ. නමුත් ගැඹුරින් කරුණු නිරීක්ෂණය කිරීමේදී එම වීඩියෝ නිර්මාණ දෙකෙහිම අස්වාභාවික චලන රටාවන් පවතින බව දැකගත හැකිය.

නමුත් මෙම වීඩියෝවල අදහස් පළ කිරීම් නිරීක්ෂණය කිරීමේදී පෙනී ගියේ ඇතැම් පාර්ශවයන් තවමත් මෙවැනි වීඩියෝ පිළිබඳ ව්‍යාකූල වන බවක් ය. එනම් ඇතැම් පරිශීලකයින්ට තවමත් එක්වරම එය හඳුනා ගැනීමට අපහසු බව නිරීක්ෂණය විය.

මේ නිසා එම වීඩියෝ නිර්මාණ Deepware වෙබ් අඩවිය ඔස්සේ පරීක්ෂා කර බැලූ ඇතර, ප්‍රතිඵලවලට අනුව මෙම නිර්මාණ කෘත්‍රීම බුද්ධි මෙවලම් (AI Tools) යොදාගනිමින් නිර්මාණය කර ඇති බව පැහැදිලි විය.

ඒ අනුව FactSeeker තහවුරු කරන්නේ දරුවෙකු බේරා ගන්නා සුනඛයින් දෙදෙනා සහ මලක් බවට පරිවර්තනය වන කෘමියාගේ වීඩියෝ නිර්මාණ ව්‍යාජ ලෙස සකස් කරන ලද ඒවා බවයි.