මෙය සත්‍යක්ද? යන්න පිළිබදව ජනතාව කුතුහලයකින් සිටින බව ඒ සම්බන්ධයෙන් පළ කර ඇති අදහස් අනුව පැහැදිළි විය. එම නිසා Factseeker මෙහි සත්‍ය අසත්‍යතාවය පිළිබද  සොයා බැලුවෙමු.

ඒ අනුව පාරිභෝගික සේවා අධිකාරියෙන් Factseeker කළ විමසීමකදී එහි සභාපති ටී.අයි.උඩුවර පැවැසුවේ, එය සත්‍යක් බවය. ඔහු පැවසූ කරුණු අනුව කැලීන් බේබි සබන් සම්බන්ධයෙන් පසුගිය ජූලි මාසයේදී පාරිභෝගික සේවා අධිකාරියට වෙනත් ආයතනයකින් පැමිණිල්ලක් ලැබුණු බව යි. ඒ අනුව මේ සම්බන්ධව පාරිභෝගික අධිකාරිය කළ විමර්ෂණයකදී මෙම චෝදනාව තහවුරු වූ බව ද ඔහු සඳහන් කළේ ය.

මේ සම්බන්ධයෙන් කළ රසායනාගාර පරීක්ෂණවලදී හිතකර සබන් නිෂ්පාදන සඳහා නිර්දේශිත සියයට 78ක් වන TFM අගය  (ITI)  කැලීන් බේබි සබන්වල නොතිබුණ බව පාරිභෝගික සේවා අධිකාරිය අනාවරණය කර ගෙන ඇත. මෙම හේතුව නිසා මාලිගාකන්ද මහේස්ත්‍රාත් අධිකරණයේ  ගොනු කළ නඩුවේදී ඩෙල්මා ලංකා පුද්ගලික සමාගම සිය වරද පිළිගෙන ඇත.

මේ හේතුව නිසා දැනට වෙළඳපොලේ පවතින කැලීන් බේබි සබන් පරිභෝජනය කිරීමේදී සැලකිලිමත් වන ලෙස පාරිභෝගික සේවා අධිකාරියේ සභාපතිවරයා අවධාරණය කළේ ය.

ගොඩකන්ද හර්බල් පුද්ගලික සමාගමේ T&G නාමය සඳහා ද අධිකරණ පාරිභෝගික කටයුතු අධිකාරියට තීන්දුවක් ලබා දී ඇත.

දේශීයව නිෂ්පාදනය කරන සෑම දන්තාලේපයක් සඳහාම SLS 275 ප්‍රමිති සහතිකය ලබා ගැනීම නීතිමය විධිවිධාන යටතේ අනිවාර්ය  වේ.

මේ සම්බන්ධයෙන් පාරිභෝගික සේවා අංශයෙන් ලද පැමිණිල්ලක් පිළිබඳ විමර්ෂණය කර බැලීමේදී අංක 102 , නුවර පාර,  වේවැල්දෙණිය ලිපිනය යටතේ බෙදාහැරෙන ගොඩකන්ද හර්බල් පුද්ගලික සමාගම සතු වෙන්ඩෝල් T&G හර්බල්ස්  සහ වෙන්ඩෝල් T&G ‌fresh mint යන දන්තාලේපයන් සඳහා එම ප්‍රමිති සහතිකය ලබා නොගෙන ව්‍යාජ ලෙසින් එම ලාංජනය මුද්‍රණය කර බෙදා හැර ඇති බව අනාවරණය වී ඇත.

ඒ අනුව ක්‍රියාත්මක වූ පාරිභෝගික සේවා අධිකාරිය ගොනුකළ නඩුවේදී විභාග වීමකින් තොරව අදාළ සමාගම වරද පිළිගත් බව ද සභාපතිවරයා පැවසීය.

ඒ අනුව වෙළඳපොළට බෙදාහැර ඇති මෙම දන්තාලේප භාවිතයට නොගන්නා ලෙස පාරිභොගික අධිකාරියේ සභාපති ටී.අයි.උඩුවර සඳහන් කළේ ය.

මේ සම්බන්ධව මහජනයා දැනුම්වත් කරමින් ඉකුත් 27 වන අඟහරුවාදා ලංකාදීප , Daily mirror සහ වීරකේසරී යන පුවත්පත්වල දැන්වීමක් පළකළ බවද සභාපතිවරයා අනාවරණය කළේ ය.

මේ අතර අධිකරණ නියෝගයකින් මෙම නිෂ්පාදන තහනම් කර පුවත්පත් නිවේදන පළ කර තිබියදී මෙය අසත්‍ය ප්‍රචාරයක් බව වෙන්ඩෝල් ලංකා පුද්ගලික සමාගම සමාජ මාධ්‍ය සටහනක් හුවමාරු කර ගෙන ඇත.එම සටහන් කිසිඳු සත්‍යතාවයක් නැත.