මේ සම්බන්ධයෙන් පරස්පර අදහස් ප්‍රකාශ වීම හේතුවෙන් Factseeker ඒ පිළිබඳ සොයා බැලීය.

“ඊයේ අලුයම බුලත්සිංහල චීවරධාරියෙකුට ගුටි පූජාවක්” යනුවෙන්  ̒ දිනමිණ ̕ පුවත්පත අප්‍රේල් 25 දා මේ පිළිබඳ පුවතක් පළකර ඇති අතර මහමෙවුනා භික්‍ෂුවකට ගුටි පූජාවක්. ගිහි ඇදුමින් කාන්තාවක් සමග නිවසක ඉදලා..” යනුවෙන්  ̒ලංකා සී නිවුස් ̕ වෙඩි අඩවියේ පළ කර තිබිණි.

අදාළ සිදුවීමට සම්බන්ධ බව කියන හිමිනම මෝල්කාව ගලහිටිය මහමෙව්නා විහාරස්ථානයේ වැඩ වාසය කළ හිමිනමක් වන අතර එම ප්‍රදේශයේ මහමෙව්නා අසපුවක් ස්ථාපනය කර නොමැති බව මහ මහමෙව්නා අසපු සංචිතය සඳහන් කළේය.

මේ පිළිබඳ වැඩිදුර සොයා බැලීමේදී වාර්තා වුයේ  කළුතර දිස්ත්‍රික්කයේ බුලත්සිංහල පොලිස් වසමේ මහමෙව්නා විහාරය සහ මහමෙව්නා අසපුව නමින්  විහාරස්ථාන දෙකක් පිහිටා ඇති බවයි. මෙම සිදුවීම විමර්ශනය කරන බදුරලිය පොලිසියෙන් මේ පිළිබද විමසීමේදී ද අදාළ සිදුවීම වී ඇත්තේ, මහමෙව්නා අසපුවේ නොව මහමෙව්නා විහාරයේ බව සඳහන් කළේය.

එමෙන්ම මහමෙව්නා අසපු සංචිතය ද මේ සම්බන්ධයෙන් නිවේදනයක් නිකුත් කර ඇති අතර   ‘මහමෙව්නා’ නාමය සහිත විහාරස්ථානය  සහ එම සිදුවීමට සම්බන්ධ එහි වැඩසිටි භික්ෂුවත්   මහමෙව්නාව භාවනා අසපු සංචිතයට අයත්  නොවන බව එහි සඳහන් කර තිබේ.

ඒ අනුව මෙම සිදුවීම  මහමෙව්නාව භාවනා අසපුව සහ කිරිබත්ගොඩ ඤාණානන්ද හිමියන් සමග සම්බන්ධ කරමින් හුවමාරුවන සමාජ මාධ්‍ය සටහන් සත්‍ය නොවන බව Factseeker සඳහන් කරයි