කන්කසන්තුරේ පැවති උද්ඝෝෂණය හමුදාවට දැක්වූ විරෝධයක්ද?
කළු කොඩි ඔසවාගෙන "මිනීමරු හමුදාව" ලෙස ආමන්ත්‍රණය කරමින් , යුධ හමුදාවට විරෝධය පළ කරන උද්ඝෝෂණයක වීඩියෝවක් සමාජ මාධ්‍ය හරහා වල සංසරණය වෙයි.
by Anonymous |
නොවැම්බර් 21, 2024
https://www.facebook.com/share/p/15VjLnrbc1/
You Tube මාධ්‍ය හරහා ද හුවමාරු කර තිබෙන බව නිරීක්ෂණය විය.
මෙම උද්ඝෝෂණය මැතිවරණය ඉලක්ක කර ගනිමින් හා හමුදාවට විරෝධය පාමින් සිදුකර ඇති බව අදහස් පළ කර තිබූ බැවින් එහි සත්‍ය අසත්‍යතාවය පිළිබඳව Factseeker සොයා බැලීය.
අදාළ වීඩියෝව විමර්ශනය කර බැලීමේදී එය හිටපු පාර්ලිමේන්තු මන්ත්‍රී සෙල්වරාජා ගජේන්ද්‍රන්ගේ ෆේස්බුක් ගිණුමේ සජීවීව සමාජ ගත කර තිබෙන බව දැක ගත හැකි විය. ඔහුගේ ගිණුමේ මෙම වීඩියෝවට පෙර ද මෙවැනි උද්ඝෝෂණයක වීඩියෝවක් ද සමාජ ගත කර ඇති අයුරු දක්නට ලැබුණි.
https://www.facebook.com/share/v/15WxuAs9UF/
https://www.facebook.com/skajendren.mp.7/
මේ සම්බන්ධව දමිළ භාෂාවෙන් පළවන වෙබ් අඩවි වල ද පළ කර තිබුණේ මෙලෙසින්.
https://www.facebook.com/askmediadannews/videos/615838420874883
ඉකුත් නොවැම්බර් 15 වන දින Tamil Gurdian වෙබ් අඩවියේ X ගිණුමේ මේ සම්බන්ධයෙන් ප්‍රවෘත්තියක් පළ කර තිබිණි.
තවදුරටත් විමර්ෂණය කර බැලීමේදී මැයි මස 24 වන දින ද මේ සබන්ධව පළකිරීමක් සිදු කර තිබුණි
https://x.com/TamilGuardian/status/1795419579532898570
මෙම උද්ඝෝෂණය කන්කසන්තුරේ ප්‍රදේශයේ තෛයිට්ටි ප්‍රදේශයේ තිස්ස විහාරය පාදක කර ගෙන සිදුකර ඇත. මෙය අනවසරයෙන් ඉදිකර ඇති බවත් එම ඉඩම් , ඉඩම් හිමි ජනතාවට ලබා දෙන ලෙසත් විරෝධතාකරුවන් සඳහන් කරයි
මේ සම්බන්ධයෙන් හිටපු පාර්ලිමේන්තු මන්ත්‍රී සෙල්වරාජා ගජේන්ද්‍රන්ගෙන් කළ විමසීමේදී ඔහු සඳහන් කළේ, යාපනය තෛයිට්ටි ප්‍රදේශයේ දෙමළ ජනතාවගේ පෞද්ගලික ඉඩම් අයුතු ලෙස අල්ලා ගෙන ශ්‍රී ලංකා යුද හමුදාව විසින් මෙම විහාරය ඉදි කර ඇති බවයි.
එය මෙම ස්ථානයෙන් ඉවත් කර එම ඉඩම , ඉඩම් හිමියන්ට ලබා දෙන ලෙස ඉල්ලා මෙම විරෝධතාවය පැවැත්වූ බවත්, මෙය 2023 මැයි මස 3 වන දින සිට සෑම පෝය දිනකම පැවැත්වෙන බවත් සෙල්වරාජා ගජේන්ද්‍රන් සඳහන් කළේ ය. මෙය රජයට එරෙහි විරෝධතාවක් නොවන අතර පසුගිය 14 සහ 15 යන දෙදින මෙම උද්ඝෝෂණය පැවැත්වූ බවත් ඔහු වැඩිදුරටත් සඳහන් කළේ ය.
මේ සම්බන්ධව පොලිස් මාධ්‍ය ඒකකයෙන් කළ විමසීමේදී සඳහන් කළේ, මෙම ඉදිකිරීම ඉවත් කරන ලෙස කිසිදු පැමිණිල්ලක් අදාල පාර්ශව විසින් මේ වන තෙක් කර නොමැති බවයි. මෙය ඉකුත් යුද සමයේදී හමුදා සොල්දාදුවන් වෙනුවෙන් ඉදි කළ විහාරස්ථානයක් බවත් ඔවුන් වැඩිකුරටත් සඳහන් කළේ ය.
මෙම කරුණු විමර්ෂණය කර බැලීමේදී මෙය යුධ හමුදාවට විරුද්ධව හෝ මැතිවරණය ඉලක්ක කරගනිමින් කළ විරෝධතාවක් නොවන අතර මෙය වසරක පමණ කාලයක් මසකට වරක් අඛණ්ඩව කර ඇති බවත් FactSeeker තහවුරු කරගන්නා ලදී.
