Emirates A6 EAP ලෙස හැඳින්වෙන මෙම ගුවන් යානය සැබවින්ම ගිනි ගැනීමකට ලක් වූයේද? යන්න පිළිබඳව FactSeeker නිරීක්ෂණය කළේ ය.

https://x.com/miss_prresident/status/1866442300722684332?s=46&t=7p4CLXtAH44oQQ-dqagsCg

FactSeeker ඒ පිළිබඳ කළ සොයා බැලීමේදී මෑතකාලීනව අරාබි එමිරේට්ස් ගුවන් සමාගමකට අයත් ගුවන් යානයක් ගිනිගැනීමට ලක් වූ බව සඳහන් කිසිදු පිළිගත හැකි සාක්ෂියක් හෝ  මාධ්‍ය වාර්තාවක් පළ වී නොතිබිණි.

මෙම වීඩියෝව තවදුරටත් නිරීක්ෂණය කිරීමේදී එහි යම් යම් දෘශ්‍යමය ගැටළුකාරී තත්ත්වයන්  FactSeeker ට හඳුනා ගැනීමට හැකි විය. එ් මෙම වීඩියෝවේ ගුවන් යානයකට අමතරව මාර්ගයේ වාහන එහා මෙහා ගමන් කරමින් තිබීමයි. නමුත් ඇතැම් අවස්ථාවල පාරේ ගමන් කරමින් තිබෙන වාහන එකවරම නොපෙනී යාමක් (Invisible) නැති නම් අතුරුදහන්වීමකට ලක් වේ.  ඒ අනුව මෙය සත්‍ය වීඩියෝවක් නොවන බව තහවුරු කිරීමට සාධක පවතී.

මේ වන විට මෙවැනි වීඩියෝ  බොහෝ සංඛ්‍යාවක්  X (ට්විටර්) හි දැක ගැනීමට හැකි වේ. ඊට හේතුව නම්, මෙවැනි  වීඩියෝ නිර්මාණය  කිරීම සඳහා වර්තමානයේ  Gemini, X-Grok, Chat GPT වැනි ප්‍රමුඛපෙලේ AI වේදිකාවන් බිහි වී තිබීමයි. ඊට අමතරව Microsoft Flight Simulator 2020 වැනි මෘදුකාංග භාවිතා කරමින් මෙවැනි වීඩියෝ නිර්මාණය කිරීමේ හැකියාව පවතී.

ඒ අනුව Emirates A6 EAP ලෙස හැඳින්වෙන ගුවන්‍ යානයක්, පියාසර කරමින් පවතින අවස්ථාවක ගිනි ගැනීමට ලක්වන ආකාරය දක්වෙන වීඩියෝව ව්‍යාජ එකක් බවත් එය සජීවිකරණ නිර්මාණයක් බවත්  FactSeeker තහවුරු කරයි.