බදුල්ල, ඇල්ල පොලිස් කොට්ඨාශයේ ඇල්ල-වැල්ලවාය ප්‍රධාන මාර්ගයේ පසුගිය බ්‍රහස්පතින්දා රාත්‍රියේ සිදු බූ බස් අනතුරට අදාළ ඡායාරූපයක් සමාජ මාධ්‍ය ඔස්සේ සංසරණය වන ආකාරය factSeekeer හට නිරීක්ෂණය විය. එම ඡායාරූපය ප්‍රධාන ධාරාවේ සහ විදෙස් මාධ්‍යයන් විසින් ද පළ කර ඇත.
ඒ අතර මෙම ඡායාරූපය සෙනසුරාදා (06.09.2025) වීරකේසරී පුවත්පතේ මුල් පිටුවේ, ඉරිදා (07.09.2025) තිනක්කුරල් සතිපතා පුවත්පතේ තුන් වන පිටුවේ සහ ලංකාලීඩර් වෙබ් අඩවියේ අනතුර පිළිබඳ පුවත සමඟ පළ වී ඇති බව factSeekeer නිරීක්ෂණය කළේ ය.

ඡායාරූපය පරීක්ෂා කිරීමේදී, Factseeker විසින් එහි ව්‍යාජ ලෙසින් නිර්මිත අංග කිහිපයක් අඩංගු බව සොයා ගත් අතර, එය AI තාක්ෂණය භාවිතයෙන් නිර්මාණය කරන ලද ව්‍යාජ ඡායාරූපයක් බවට එයින් නිගමනය කළේ ය. එම AI-ජනනය කරන ලද ඡායාරූපය පහත දැක්වේ.

මෙම ඡායාරූපයේ ලක්ෂණ විශ්ලේෂණය කිරීමේ දී,
1. භූගෝලීය පිහිටීම:

මෙම අනතුර සිදු වූ ස්ථානයේ භූගෝලීය පිහිටීම, විශේෂයෙන් ඇල්ල-වැල්ලවාය ප්‍රධාන මාර්ගයේ 23 වන සහ 24 වන කිලෝමීටර් අතර කොටස, AI-ජනනය කරන ලද ඡායාරූපයට වඩා සම්පූර්ණයෙන්ම වෙනස් ලෙස පෙනේ. ඡායාරූපයේ බෑවුම් සහිත ප්‍රපාතයක් පෙන්වන අතර, ප්‍රදේශයේ සැබෑ වීඩියෝවල එතරම් බෑවුම් සහිත ප්‍රපාතයක් නොපෙන්වයි.

2. ගලවා ගැනීමේ කාර්ය මණ්ඩලය:

ගලවා ගැනීමේ මෙහෙයුම්වල යෙදී සිටින ආකාරය දැක්වෙන AI ඡායාරූපයේ සහන සේවා කණ්ඩායම් සාමාජිකයින්ගේ ඇඳුම්, ශ්‍රී ලංකාවේ සහන සේවා කණ්ඩායම්වල නිල ඇඳුම්වලට සමාන නොවේ. සිද්ධියේ සැබෑ වීඩියෝවලින් පෙනී යන්නේ මහජනතාව ආරක්ෂා කිරීමට සම්බන්ධ වූ හමුදා නිලධාරීන් විවිධ නිල ඇඳුම් ඇඳ සිටි බවයි.

3. ගිලන්රථ:

AI-ජනනය කරන ලද ඡායාරූපයේ දැක්වෙන හදිසි වෛද්‍ය වාහන (ගිලන්රථ) සහ සිද්ධිය වූ ස්ථානයේ දී ගන්නා ලද සැබෑ වීඩියෝ අතර සැලකිය යුතු වෙනස්කම් තිබේ.

4. ආලෝකකරණය:
රාත්‍රී 9:30 ට පමණ අනතුර සිදු වූ බව ප්‍රධාන ධාරාවේ මාධ්‍ය වාර්තා කළ අතර, එම ස්ථානයේ සිටි පුද්ගලයින් විසින් හුවමාරු කර ගන්නා ලද වීඩියෝවලින් පෙනී යන්නේ එය රාත්‍රී කාලය බවයි. කෙසේ වෙතත්, AI-ජනනය කරන ලද ඡායාරූපයේ දර්ශනය දිවා ආලෝකය සහිත ව නිරූපණය කෙරේ.

5. නරඹන්නන්:
අනතුර සිදු වූ ස්ථානයේ ගත් ඡායාරූපයක් ලෙස හුවමාරු වන මෙම ඡායාරූපයේ, නරඹන්නන් අවට සිටගෙන සිටින අතර, සමහරක් ගස් මුදුනේ නුසුදුසු ලෙස ස්ථානගත වී ඇත.එබැවින්, මෙම ඡායාරූපය අස්වාභාවික වන අතර ව්‍යසනයේ සැබෑ සිදුවීම් සමඟ නොගැලපේ.
මෙය වැඩිදුර තහවුරු කිරීම සඳහා, රූපය AI මෙවලම් භාවිතයෙන් නිර්මාණය කර ඇත්දැයි බැලීමට HIVE MODERATION සමඟ පරීක්ෂා කිරීමෙන් එය AI-ජනනය කරන ලද ඡායාරූපයක් බව තහවුරු විය.

ඒ අනුව, ප්‍රධාන ධාරාවේ මාධ්‍ය, සමාජ මාධ්‍ය සහ වෙබ් අඩවිවල හුවමාරු කර ගනු ලැබූ මෙම ඡායාරූපය AI විසින් නිර්මාණය කරන ලද ව්‍යාජ රූපයක් බව Factseeker තහවුරු කරයි.