මෙය අංගජන් රාමනාදන් විසින් රජයේ නිලධාරියෙකුට කරන පහර දීමක් බව මැතිවරණ මහ ලේකම් කාර්යාලයට පැමිණිල්ලක් ද ලැබී තිබේ.

මෙය අංගජන් රාමනාදන් කරන පහර දීමක් ද යන්න පිළිබඳව FactSeeker සොයා බැලීය.

FactSeeker ඒ පිළිබඳ නිරීක්ෂණය කිරීමේදී ඒ සම්බන්ධයෙන් වූ වීඩියෝ කිහිපයක් සොයා ගැනීමට හැකි විය.

” ඒ කියන්නේ රාජකීය නිලධාරියෙකුට කම්මුලට ගහන්නද?” ,  “යාපනයේ දූෂිත මන්ත්‍රී අංගජන් රාමනාදන් සිවිල් සේවකයෙකුට මඩ ගහලා” වැනි ශීර්ෂපාඨ සහිතව  වීඩියෝව හුවමාරු වෙමින් පැවතිණි.

එවැනි පළැකිරීම් කිහිපයක් මෙතැනින්.

https://www.facebook.com/MahulchandranChelvarajSpencer/videos/729419982711657

https://www.facebook.com/watch/?ref=search&v=940678707884913&external_log_id=5919a87a-f2a7-46bc-902f-d7329f2329fe&q=Corrupted%20Jaffna%20MP%20Angajan%20Ramanathan%20slapping%20a%20government%20servant

ඒ අනුව google reverse image search හරහා මෙම වීඩියෝව විශ්ලේෂණය කිරීමේදී එය ඉන්දියාවේ මහාරාෂ්ට්‍ර ප්‍රාන්තයේ Var Nagar ප්‍රදේශයේ සිදු වූ සිදුවීමක වීඩියෝවක් බව තහවුරු කර ගැනීමට හැකි විය.

මෙම වීඩියෝව “Swabimani Shethkari Sangadhana” සංගමයේ තරුණ අංශයේ නායකයා වන මයූර් පෝර්ටෙ (Mayur Porte) විසින් මහාරාෂ්ට්‍ර බැංකුවේ ශාඛා කළමනාකරුට කම්මුල් පහරක් එල්ල කරන වීඩියෝවකි. මේ පිළිබඳ පුවත The Indian Express වෙබ් අඩවියේ ද පළ කර ඇත.

එම ප්‍රවෘත්තිය මෙමෙනින්: https://shorturl.at/jLGwu

එබැවින් ප්‍රජාතන්ත්‍රවාදී ජාතික සන්ධානයේ නායක සහ පාර්ලිමේන්තු මැතිවරණ අපේක්ෂක අංගජන් රාමනාදන් රජයේ සේවකයෙකුට පහර දුන්නේයැයි ප්‍රකාශ කරමින් සමාජ මාධ්‍ය ඔස්සේ හුවමාරු වන වීඩියෝව ඉන්දියාවේ මහාරාෂ්ට්‍ර ප්‍රාන්තයේ සිදුවීමක වීඩියෝවක් බවත් එම වීඩියෝව අංගජන් රාමනාදන් හට කිසිදු ආකාරයක සබඳතාවයක් නොමැති බවත් Factseeker තහවුරු කරයි.