සජිත්, අනුරගේ ප්‍රතිපත්ති ප්‍රකාශය අතැතිව ඡායාරූපයක් ගත්තා ද?
සමගි ජන සන්ධානයේ ජනාධිපති අපේක්ෂක සජිත් ප්‍රේමදාස විසින් ජාතික ජන බලවේගයේ ජනාධිපති අපේක්ෂක අනුර කුමාර දිසානායකගේ ප්‍රතිපත්ති ප්‍රකාශය අතැතිව ගත් ඡායාරූපයක් ට්විටර් (X) සහ යූ ටියුබ් මාධ්‍යවල සංසරණය වෙයි.
by Anonymous |
සැප්තැම්බර් 4, 2024
මෙම ඡායාරූපය Google reverse image හරහා නිරීක්ෂණය කර බැලීමේදී එය ව්‍යාජ ලෙස සංස්කරණය කර ඉදිරිපත් කරන ලද්දක් බවට FactSeeker ට අනාවරණය විය.
මෙහි සත්‍ය ඡායාරූපය ඉකුත් අගෝස්තු 29 වෙනිදා සමගි ජන සන්ධානයේ ප්‍රතිපත්ති ප්‍රකාශය සමඟ සජිත් ප්‍රේමදාස විසින් මහනුවර ශ්‍රී දළදා මාලිගාවේදී ගත් ඡායාරූපයක් බව නිරීක්ෂණය විය. එය සජිත් ප්‍රේමදාසගේ නිල ෆේස්බුක් පිටුවේ පළ වූ ඡායාරූපවලින් තහවුරු කර ගැනීමට හැකි විය.
එම සබැඳිය මෙතැනින් https://www.facebook.com/share/p/1LkXawfhztiBYquH/?mibextid=xfxF2i
ඒ අනුව, සජිත් ප්‍රේමදාස විසින් අනුර කුමාර දිසානායකගේ ප්‍රතිපත්ති ප්‍රකාශය අතැතිව ගනු ලබූ ඡායාරූපය ව්‍යාජ ලෙස සංස්කරණය කරන ලද්දක් බවට FactSeeker තහවුරු කරයි.
