මිනුවන්ගොඩ බ්‍රැන්ඩික්ස් කර්මාන්ත ශාලාව වසා දමා ඇති බව පසුගියදා https://srilankamirror.com වෙබ් අඩවියේ ප්‍රවෘත්තියක් පළ කර තිබිණි.

මිනුවන්ගොඩ බ්‍රැන්ඩික්ස් කර්මාන්ත ශාලාව තාවකාලිකව වසා දැමීමට සාකච්ඡා කරමින් සිටින බව ත් ඒ හේතුවෙන් සේවකයින් 1000 කට ආසන්න සංඛ්‍යාවකට රැකියා අහිමි වන බවත් මෙම ප්‍රවෘත්තියේ සදහන් වී තිබිණි.

මේ සම්බන්ධයෙන් https://oruvan.com/ වෙබ් අඩවියේ ද ප්‍රවෘත්තියක් පළ වී තිබෙන බව FactSeeker නිරීක්ෂණය කළේ ය.

මේ ප්‍රවෘත්තියේ සත්‍ය අසත්‍යතාව දැන ගැනීම සදහා FactSeeker මිනුවන්ගොඩ බ්‍රැන්ඩික්ස් කර්මාන්ත ශාලාවේ ප්‍රකාශකවරයා සම්බන්ධ කර ගත්තතෙමු.

එහිදී ඔහු සදහන් කළේ , මෙය සම්පූර්ණයෙන් අසත්‍ය ප්‍රවෘත්තියක් බව ය.

මිනුවන්ගොඩ බ්‍රැන්ඩික්ස් කර්මාන්ත ශාලාවේ 2024 මාර්තු මාසය දක්වා ඇනවුම් ලැබී තිබෙන බවත් එම ඇනවුම්වලට අනුව සැපයුම සදහා සති අන්තයේ පවා අතිකාල සේවා පවතින බවයි.

එබැවින්, මිනුවන්ගොඩ බ්‍රැන්ඩික්ස් කර්මාන්ත ශාලාව තාවකාලිකව වසා දැමීම සම්බන්ධයෙන් https://srilankamirror.com සහ https://oruvan.com/ හි පළ වූ ප්‍රවෘත්ති අසත්‍ය බව FactSeeker තහවුරු කරයි.