මීට අදාළ කරුණු විමර්ශනය කිරීමට FactSeeker තීරණය කළේය.

චීන රජයේ ප්‍රදානයක් ලෙස ලැබුණ පාසල් නිල ඇඳුම් තොගය චීන තානාපති Qi Zhenhong මහතා විසින් සංකේතාත්මකව භාරදීම පසුගිය දෙසැම්බර් 10 වන දින කොළඹ වරායේ ජාත්‍යන්තර බහාලුම් පර්යන්තයේ(CICT) දී සිදු විය.

ඒ පිළිබඳව පළ වූ නිල වාර්තා පහතින්.

http://lk.china-embassy.gov.cn/eng/xwdt/202412/t20241212_11543113.htm

https://bit.ly/3Dh2LJv

අග්‍රාමාත්‍ය කාර්යාල මාධ්‍ය ඒකකය නිකුත් කළ නිවේදනයට අනුව 2025 වර්ෂය සඳහා පාසල් නිල ඇඳුම් අවශ්‍යතාව රෙදි මීටර් මිලියන 11,817 ක් වන අතර පාසල් නිල ඇඳුම් ලබා දීමට නියමිත සිසුන් ගණන 4,640,086 කි. ඒ අනුව 2025 වර්ෂය සඳහා පාසල් නිල ඇඳුම් සමස්ත අවශ්‍යතාවයම මෙසේ ප්‍රදානයක් ලෙස මහජන චීන සමුහාණ්ඩුව විසින් ලබා දී ඇත.

මේ පිළිබඳව තවදුරටත් අප කළ සොයා බැලීමේදී අධ්‍යාපන අමාත්‍යංශය සිය නිල ෆේස්බුක් පිටුව මගින් 2024.09.18 දින නිකුත් කරන ලද පහත නිල නිවේදනය නිරීක්ෂණය කළ හැකි විය.

එහි දැක්වුණේ අධ්‍යාපන අමාත්‍ය සුසිල් ප්‍රේමජයන්ත විසින් චීන තානාපති සහ චීන රජයේ අදාළ නිලධාරීන් සමග සාකච්ඡා කිරීමේ ප්‍රතිඵලයක් ලෙස එම රජය විසින් ප්‍රදානයක් ලෙස 2025 නව පාසල් වාරය වෙනුවෙන් පාසල් ළමුන් ලක්ෂ 43 කට අවශ්‍ය නිල ඇඳුම් සහ පිරිවෙන් 825 සඳහා අවශ්‍ය සිවුරු සියල්ලම ඇසුරුම් කර ලබා දීමට නියමිත බවයි.

ඒ අනුව නොවැම්බර් සහ දෙසැම්බර් මාසවල එම තොග ලැබීමට නියමිත බවත්, මෙම නිල ඇඳුම් 100% ක් නොමිලේ හිමි වීම මගින් රජයට ඉතිරි වන මුදල රුපියල් මිලියන 7,000ක් බවත් එහි සඳහන් විය.

මේ සම්බන්ධයෙන් පසුගිය නොවැම්බර් මස 4 වනදා හිටපු අධ්‍යාපන අමාත්‍ය සුසිල් ප්‍රේමජයන්ත සිය නිල ෆේස්බුක් පිටුවේ පළ කළ පෝස්ටුවක් පහත දැක්වේ.

මේ සම්බන්ධයෙන් හිටපු අධ්‍යාපන අමාත්‍ය සුසිල් ප්‍රේමජයන්ත පාර්ලිමේන්තු මැතිවරණ සමයේ කළ අදහස් දැක්වීමක් පහතින්.

https://www.facebook.com/share/r/18Ujyx8qUJ/

එමගින් දැක්වුණේ ඔහුගේ මැදිහත්වීම මත පාසල් නිල ඇඳුම් අවශ්‍යතාවෙන් 2023 වසර සඳහා 70%ක් ද, 2024 වසර සඳහා 80%ක් ද, 2025 වසර සඳහා 100%ක් ද වශයෙන් චීන රජයෙන් ලබාගැනීමට හැකි වූ බවයි.

චීන ජාතික සංවර්ධන හා ප්‍රතිසංස්කරණ කොමිසම සහ ෂින්හුවා පුවත් ඒජන්සියේ මෙහෙයවීම මත පවත්වාගෙන යන “The Belt and Road Portal”  චීන රජයට අයත් වෙබ් අඩවිය මගින් මෙම නිල ඇඳුම් රෙදි ප්‍රමාණය පිළිබඳ සංඛ්‍යාලේඛන සනාථ කරයි.

එහි සබැඳිය පහතින්.

https://eng.yidaiyilu.gov.cn/p/0Q1R0H6I.html