කථානායක රන්වලගේ ආචාර්ය පදවිය වෙබ් අඩවියෙන් ඉවත් කළා ද?
කථානායක අසෝක සපුමල් රන්වලගේ නම ශ්රී ලංකා පාර්ලිමේන්තුවේ වෙබ් අඩවියේ සඳහන් වූ ආකාරයේ වෙනසක් සිදු කර ඇති බවට සමාජ මාධ්ය සටහන් හුවමාරු වෙමින් පවතී.
by Anonymous |
දෙසැම්බර් 11, 2024
ඒ අනුව Factseeker එහි සත්යාසත්යතාව පරීක්ෂා කළෙමු.
සමාජ මාධ්ය සටහන් සමග අමුණා ඇති ශ්රී ලංකා පාර්ලිමේන්තු නිල වෙබ් අඩවිය උපුටා දැක්වූ තීරුවල දැක්වෙන ආකාරයට එහි Hon (Dr) Asoka Sapumal ලෙස දැක්වුණු කථානායකවරයාගේ නම පසුව Hon. Asoka Sapumal Ranwala ලෙස වෙනස් කර තිබේ.
පාර්ලිමේන්තු නිල වෙබ් අඩවියේ මේ වන විට මන්ත්රීවරුන්ගේ නාමාවලිය තුළ ඔහුගේ නම දක්නට ලැබෙන්නේ Hon. Asoka Sapumal Ranwala ලෙස බව අපට තහවුරු විය.
https://www.parliament.lk/si/members-of-parliament/directory-of-members/viewMember/3476
ඔහුගේ නම සඳහන් වන පාර්ලිමේන්තු වෙබ් අඩවියේ වෙනත් ස්ථාන පරීක්ෂා කිරීමේදී ඔහු කථානායක තනතුරට තේරී පත්වීම පිළිබඳව දැක්වෙන ප්රවෘත්තියෙහි ආචාර්ය අශෝක රන්වල ලෙස හඳුන්වා තිබිණි.
එම වෙබ් පිටුවල තිරූ පහතින්
පාර්ලිමේන්තු වෙබ් අඩවියේ මන්ත්රීවරුන්ගේ නාමාවලිය තුළ අසෝක සපුමල් රන්වලගේ නම වෙනස් කර තිබේද? යන්න තහවුරු කරගැනීම සඳහා ඔහුගේ නම සඳහන් වෙබ් පිටුවල සංරක්ෂිත පිටපත් පවතී ද? යන්න ද අපි පරීක්ෂා කළෙමු.
එහිදී පහත වෙබ් පිටු අපට හමු විය.
අසෝක රන්වලගේ නම Google සෙවුම් යන්ත්රය හරහා parliament.lk වෙබ් අඩවිය පරීක්ෂා කිරීමේදී ඔහු ආචාර්ය අසෝක රන්වල ලෙස හඳුන්වා දුන් අවස්ථා ගණනාවක් අපට නිරීක්ෂණය කළ හැකි විය.
ශ්රී ලංකාවේ ඉන්දීය මහ කොමසාරිස්වරයා අභිනව කථානායකවරයා හමුවූ අවස්ථාව පිළිබඳව ශ්රී ලංකා පාර්ලිමේන්තුවේ ලිපි ශීර්ෂයෙන් යුතුව නිකුත් කළ මාධ්ය නිවේදනයක ද කථානායකවරයා හඳුන්වා දී තිබුණේ ආචාර්ය අසෝක රන්වල ලෙසයි.
ඒ අනුව, කථානායක අසෝක සපුමල් රන්වලගේ නම ශ්රී ලංකා පාර්ලිමේන්තුවේ වෙබ් අඩවියේ සඳහන් වූ ආකාරයේ වෙනසක් සිදු කර ඇති බවට හුවමාරු සමාජ මාධ්ය සටහන් සත්ය බව FactSeeker තහවුරු කරයි.
