කුඹුරක ගසක් යට දමා ගිය බිළිඳෙකුගේ සිදුවීම මේ දිනවල සමාජ මාධ්‍ය ජාලවල මෙන්ම ප්‍රධාන ධාරාවේ මාධ්‍යවල ද කතා බහට ලක් වූ පුවතකි.
කුරුණෑගල, මාවතගම, පරගහදෙනිය ප්‍රදේශයේ කුඹුරක දමා ගිය මෙම බිළිඳා සොයා ගැනීමට හැකි වූයේ ඉකුත් 17 වෙනිදා ය. පසුව මේ සම්බන්ධයෙන් බොහෝ පුවත් සහ තොරතුරු ප්‍රධාන මාධ්‍ය ධාරාවේ මෙන්ම සමාජ මාධ්‍ය හරහා ද සංසරණය විය.
මෙම බිළිඳාගේ මව සොයි ගැනීම සඳහා පොලීසිය විමර්ශන ආරම්භ කර තිබුණ ද ඇය පිළිබඳ මෙතෙක් තොරතුරක් සොයා ගැනීම නොහැකි වී තිබෙන බව මධ්‍ය වාර්තා පළ කර තිබිණි.

එම තත්වය එසේ තිබියදී එම බිළිඳාගේ මව පොලීසිය විසින් අත් අඩංගුවට ගෙන ඇති බවත් එහිදී ඇය ලබාදුන් ප්‍රකාශය බව දක්වන වීඩියෝවක් සමාජ මාධය ඔස්සේ සංසරණය වන බව ද නිරීක්ෂනය විය. ඒ පිළිබද සොයාබැලීමේදී එය 2023 වසරේදී කොළඹ සිට මඩකලපුව බලා ධාවනය වන “මීනගයා” රාත්‍රී තැපැල් දුම්රියේ වැසිකිළියක් තුළ දමාගොස් සිටියදී සොයාගනු ලැබූ බිළිදාගේ මවගේ ප්‍රකාශය බව අනාවරණය විය.

ඒ අතර එසේ සොයාගනු ලැබූ බිළිඳාගේ බව සඳහන් වීඩියෝවක් සහ ඉන් ලබා ගත් ඡායාරූප කිහිපයක් සමාජ මාධ්‍ය ඔස්සේ සංසරණය වන බව Factseeker ට නිරීක්ෂණය විය

කෙසේ වෙතත් මේ වීඩියෝව සහ ඡායාරූප සම්බන්ධයෙන් පිළිගත හැකි සටහන් නොතිබූ බැවින් Factseeker මේ පිළිබඳව සොයා බැලීය.
මාවතගම බිළිඳාගේ බව සඳහන් මෙම වීඩියෝව ඒ අයුරින්ම 2025 මැයි මාසයේ දීද instagram සමාජ මාධ්‍ය ඔස්සේ පළ කර ඇති බව අනාවරණය විය.

https://www.instagram.com/reel/DKKHp0RhGLH/?utm_source=ig_web_copy_link&fbclid=IwY2xjawLsAy9leHRuA2FlbQIxMABicmlkETFkMGN6WUZqMnNOaWk5MDNqAR5OQA82TVw3E_KopiNCzxlCyy108VgeUDqWL5LH7S_lD8cRzHx_icbwqanVlA_aem_t9ACMud-DMwpOVvEc1-lsA
තවදුරටත් මේ පිළිබඳ සොයා බැලීමේදී මෙම වීඩියෝව මුල්වරට හුවමාරු කර ඇත්තේ IHAAN💖 AIZEL යන instagram ගිණුම හරහා බව සොයා ගැනීමට හැකි විය. ඒ අප්‍රේල් මස 26 වෙනිදා ය.

එය මෙතැනින් –https://www.instagram.com/reel/DI5xm_mK6zE/?igsh=MXV6MjhmdXFoemFzMg%3D%3D

එසේම මේ සම්බන්ධයෙන් ඇතැම් පරිශීලකයින්ද සමාජ මාධ්‍ය ඔස්සේ සටහන් එක්කර තිබුණි.

ඒ අනුව මාවතගම වෙල් යායක අතහැර ගොස් සිටියදී සොයාගත් බිළිඳාගේ බව සඳහන් කරමින් සමාජ මාධ්‍ය හරහා සංසරණය වන මෙම වීඩියෝව හා ඡායාරූප එම බිළිඳාගේ නොවන බව Factseeker තහවුරු කරයි.
මෙම කරුණු තුළින්  මෙම වීඩියෝව මාවතගම බිළිඳා හමුවීමට පෙර සමාජ මාධ්‍ය හරහා මුදාහරින ලද්දක් බව පැහැදිලි වේ.