මේ තත්ත්වය සම්බන්ධයෙන් ප්‍රධාන ධාරාවේ මාධ්‍යවල මෙන්ම සමාජ මාධ්‍ය ඔස්සේ ද විවිධ පුවත් පළ විය. මෙම පුවත් අතර මෙරට ගංවතුර තත්ත්යක් බව සඳහන් කරමින් සමාජ මාධ්‍ය ජාලවල විශාල වශයෙන් සංසරණය වූ වීඩීයෝ කිහිපයක් FactSeeker නිරීක්ෂණය කළේ ය.

https://www.facebook.com/share/v/ydCPsaVUtetHJfYK/

https://vt.tiktok.com/ZSjb89AUM/

https://vt.tiktok.com/ZSjbLNthP/

මෙම වීඩීයෝවල අන්තර්ගතයන් අධ්‍යයනය කිරීමේදී එම රූප රාමු ශ්‍රී ලංකාවට අයත් ඒවා ද යන්න පිළිබඳව සොයා බැලීමට FactSeeker පියවර ගත්තේ ය. ඒ අනුව එම වීඩියෝවේ රූපරාමු කිහිපයක් ගෙන Google Reverse image හරහා නිරීක්ෂණය කළේ ය. එහිදී ලැබූ සෙවීම්  ප්‍රතිඵල අනුව  මෙම රූපරාමු ඉතාලියේ, පාකිස්ථානයේ හෝ වෙනත් රටකට අදාළ ඒවා බව දක්වමින් විවිධ රටවල සමාජ මාධ්‍යයන් හරහා ද හුවමාරු වී ඇති බව දක්නට ලැබුණි.

ඒ අනුව දිගින් දිගටම මේ පිළිබඳ නිරීක්ෂණය කිරීමේදී රන් ආලේපිත විශාල බුද්ධ ප්‍රතිමාව හරහා ගංවතුර ගලා යන වීඩියෝව  නේපාලයේ චිට්වාන් ප්‍රදේශයේ සිදුවීමක් බව  හඳුනා ගැනීමට හැකි විය. එම ජලගැලීම පිළිබඳව 2024 සැප්තැම්බර් 28 වනදා Republica වෙබ් අඩවියේ පළ වූ ප්‍රවෘත්තියක් තුළින් තහවුරු කර ගැනීමට හැකි විය.

එම පළකිරීම: https://myrepublica.nagariknetwork.com/news/water-level-of-narayani-river-crosses-danger-mark

එසේම නිවාස පේළියක් මතින් ගලා යන විශාල ගවතුරක් සහිත වීඩියෝව අධ්‍යයනය කිරීමේදී එහි නිවාසවල සහ  ගස්වල ස්වභාවය අනුව එය ශ්‍රී ලංකාවේ භූගෝලීය ලක්ෂණයන්ට සමාන නොවන බවත් එය යුරෝපා රටවලට සමාන බවත් හඳුනා ගැනීමට හැකි විය.

ඊට අමතරව, රතු පැහැති විශාල ගොඩනැගිල්ලක් අසලින් කළු පැහැති විශාල ජලගැල්මක් ඇති වන වීඩියෝව  ජපානයට අයත් වීඩියෝවක් බව හඳුනා ගැනීමට හැකි විය. එම වීඩීයෝවට අදාළ සත්‍ය සිදුවීම් පෙළ සම්බන්ධයෙන් ජාත්‍යන්තර ප්‍රවෘත්ති වෙබ් අඩවියක් වන CNN World හි පළ වූ වීඩියෝව FactSeeker ට හමු විය.

https://edition.cnn.com/videos/world/2021/07/03/japan-landslide-wang-ndwknd-vpx.cnn

එසේම මෙම වීඩියෝව ඉතාලියේ සිදුවූවක් බව සඳහන් කිරීම අසත්‍ය බවත් එය  ජපානයේ ගංවතුරක් බවටත් කරුණු තහවුරු කරන ලද වෙබ් ලිපියක් ද අපට හමුවිය. එම ලිපියේ සඳහන්  සොයා ගැනීම්වලින් පෙනී ගියේ මෙම දර්ශන 2021 දී ජපානයේ සිදු වූ මඩ නාය යෑමක් බවයි.

එම ලිපිය මෙතැනින්. https://factcheckhub.com/video-of-flooding-in-italy-shared-by-joe-igbokwe-is-from-mudslide-in-japan/

මේ අනුව ශ්‍රී ලංකාවේ ගංවතුර අවස්ථා ලෙස දක්වමින් සමාජ මාධ්‍යයේ හුවමාරු වන ඉහත වීඩියෝ සියල්ලක්ම නොමඟයවනසුළු වීඩියෝ වන බව FactSeeker තහවුරු කරයි.