ඒ අනුව එහි සත්‍ය අසත්‍යතාව පරීක්ෂා කිරීමට අපි තීරණය කළෙමු.

මෙම වීඩියෝවලට ඉහළින් සිරස්තලවල පහත සඳහන් පාඨයන් ඇතුළත් වී තිබිණි.

“මුලින්ම ආයුබෝවන් කියන 240 දෙනා, (Hello) මම ඔබට RS 100,000ක් දෙන්නම්, මම මෙතැන් සිට සැබෑ වන්නෙමි.”

“මුලින්ම ආයුබෝවන් කියන 240 දෙනා, (ආයුබෝවන්) මම ඔබට RS 100,000ක් දෙන්නම්/ මගේ aszus leptop එක මෙතැන් සිට සැබෑ වේවි.”

“පින්තූරයේ ඇති අංකය නිවැරදිව අනුමාන කරන පළමු 300 දෙනාට මම ටෙන්ජ් RS 100,000 ක් දෙන්නෙමි. ඒක ඇත්ත.”

එමෙන්ම, අදාළ වීඩියෝවලට අදහස් දක්වන පරිශීලකයින් වෙත එම Facebook පිටු මගින් පිළිතුරු (reply) ලබා දී තිබෙනු නිරීක්ෂණය විය.

ඒ “Hello <ගිණුමේ නම>! ඔබගේ පණිවිඩ දැන් පරීක්ෂා කරන්න. තෑග්ග ඔබ එනතුරු බලා සිටී” යනුවෙනි.

අදාළ සජීවී වීඩියෝ පිරික්සීමේදී තහවුරු වූයේ, ඒවා එකම වීඩියෝ පටයක් පුනරූපණය කරමින් විකාශය කෙරෙන බවයි. එම වීඩියෝව රන්ජන් රාමනායක බන්ධනාගාරගතව සිට නිදහස ලබා පැමිණි ආසන්න දිනක Instagram වෙත මුදා හැරි වීඩියෝවක් බව එහිදී තහවුරු විය.

ඒ අනුව රන්ජන් රාමනායකගේ නිල Instagram ගිණුම Factseeker පරීක්ෂා කළ අතර එහිදී මෙම සජීවී විකාශයට යොදා ගන්නා මුල් වීඩියෝව හමු විය. එය 2022 සැප්තැම්බර් මස 21 වනදා අන්තර්ජාලයට මුදාහැර තිබේ.

ඒ අනුව රංජන් රාමනායක මුදල් ත්‍යාග ලබා දෙන බව සඳහන් වන වීඩියෝව රන්ජන් රාමනායක මෑතකදී කළ සජීවී වීඩියෝවක් නොවන බව Factseeker තහවුරු කරයි.