මෙම පෝස්ටුවල සඳහන් වන්නේ ශ්‍රී ලංකාවේ ඉගෙනීමට පහසුකම් නොමැති දුප්පත් දමිළ සිසුන් 25 000 කට ඔවුන් නොමිලේ අධ්‍යාපනය ලබා දෙන බව සහ උපාධියෙන් පසු රැකියා අවස්ථා ද ලබා දෙන බවයි. එසේම මේ සඳහා අනුග්‍රහය ලබා දෙන්නේ දකුණු ඉන්දියානු රංගන ශිල්පිනියක වන රම්බා සහ ඇගේ සැමියා වන ඉන්ද්‍රකුමාර් පත්මනාදන් බවයි.

මේ පිළිබඳ කරුණු සොයා බැලීමේදී මෙය ඉන්දියානු You Tube නාලිකාවක් වන Trendy Spot හි මුල් වරට ප්‍රචාරය කර ඇති බව අනාවරණය විය.
පසුව ශ්‍රී ලංකාවේ ප්‍රධාන ධාරාවේ මාධ්‍යවල මේ සම්බන්ධව පුවත් පළවී ඇත්දැයි සොයා බැලූ විට අනාවරණය වූයේ, එවැනි කිසිදු වාර්තා කිරීමක් නොමැති බවයි.

ඒ අනුව Fact Seeker විසින් මේ සම්බන්ධව Magickwood ආයතනයෙන් විමසීමක් කළේය. එහිදී එහි විධායක නිලධාරියෙකු වන බ්‍රේවෝ හැන්ඩි සඳහන් කළේ, මෙම තොරතුරු සම්පූර්ණයෙන්ම අසත්‍ය බවත් සිසුන් 25 000කට නොමිලේ අධ්‍යාපනය ලබා දීම අතිශයින් අභියෝගාත්මක කාර්යයක් බවත් ය. නමුත් සීමිත සිසුන් පිරිසකට එවැනි අධ්‍යාපන ශිෂ්‍යත්ව පිරිනැමෙන බව ඔහු වැඩිදුරටත් සඳහන් කළේය.

මේ සම්බන්ධව Fact Seeker තවදුරටත් කරුණු විමර්ශනය කර බැලීමේදී ඉන්ද්‍රකුමාර් පත්මනාදන් සමග කළ සම්මුඛ සාකච්ඡාවක් සොයා ගැනීමට හැකි විය.
යුද්ධයෙන් විපතට පත් ජනතාවගේ සහ ශ්‍රී ලංකාවේ උසස් අධ්‍යාපනයට ප්‍රවේශ වීමට නොහැකි සිසුන්ගේ අධ්‍යාපන සිහින සැබෑ කිරීම සඳහා SLIIT Northern විශ්වවිද්‍යාලය පිහිට වූ බව ඔහු එහිදී සඳහන් කරයි. එමෙන්ම එය ඉදිරියේදී 20 000 ක සිසුන් ප්‍රමාණයකට පහසුකම් සැලසීමේ හැකියාව ඇති උතුරු පළාතේ මීළඟ අධ්‍යාපන හා තාක්ෂණික මධ්‍යස්ථානය බවට පත්වීම ඔවුන්ගේ අරමුණ බවද මෙහිදි ඔහු වැඩිදුරටත් සඳහන් කරයි.

https://shorturl.at/GwgJp](https://shorturl.at/GwgJp)

මේ අනුව ශ්‍රී ලංකාවේ දමිළ සිසුන් 25 000කට නොමිලේ අධ්‍යාපන අවස්ථා ලබාදෙන බව සඳහන් කරමින් සමාජ මාධ්‍යවල සංසරණය වන තොරතුරුවල කිසිදු සත්‍යතාවක් නොමැති බව Fact Seeker තහවුරු කරයි.