ජනාධිපතිවරයාගේ මව අනුරාධපුර ශික්ෂණ රෝහලේ සිට නාරාහේන්පිට ලංකා පෞද්ගලික රෝහලට රැගෙන එනු ලැබූවේ ගුවන් යානයකින්  බවද ඇතැම් පෝස්ටුවල සඳහන් කර තිබුණි.

ජනාධිපතිවරයාගේ මව රජයේ රෝහලක සාමාන්‍ය රෝගියෙක් මෙන් ප්‍රතිකාර ලැබීම පිළිබඳව පැසසුමට ලක් වී ඇති අවස්ථාවක මෙම සමාජ මාධ්‍ය පෝස්ටු සත්‍ය ද ? යන්න පිළිබඳව FactSeeker සොයා බැලීය.

මෙම වීඩියෝව සුපරික්ෂාකාරීව පිරික්සීමේදී එහි ගිනි නිවන හමුදාවේ නිල ඇඳුමට සමාන නිල ඇඳුම් ඇඳසිටි පිරිසක් නිරීක්ෂණය විය. ඒ අනුව එය යම් පිරිසකගේ සහභාගීත්වයක් සහිතව සිදු වූවක් බව තහවුරු විය.

ඒ ඔස්සේ තවදුරටත් පරික්ෂා කිරීමේදී ඒ පිළිබඳව Hiru නාලිකාවේ  විකාශය වූ ප්‍රවෘත්තියක් සමාජ මාධ්‍ය හරහා ඔස්සේ පළ කරන ලද වීඩියෝවක් සොයා ගැනීමට හැකිවිය.

https://www.facebook.com/watch/?ref=embed_video&v=1795228264572704

ඒ අනුව මෙය දෙසැම්බර් 16 වන දින ගුවන් හමුදාවේ  ගිනි නිවීමේ සේවයේ නියුතු වූවන්ට ලබා දෙන පුහුණු අවස්ථාවක වීඩියෝවක් බව තහවුරු විය.

එමෙන්ම මේ සම්බන්ධව ගුවන් හමුදා ගිනි නිවීමේ හා ගලවාගැනීමේ සේවයේ නිල ෆේස්බුක් පිටුව හරහා ද විස්තරාත්මකව දක්වා තිබුණි.

https://www.facebook.com/share/v/1ETdka8F9m/

මේ සම්බන්ධයෙන් ලංකා පුද්ගලික රෝහලෙන් කළ විමසීමේදී එහි කාර්ය භාර නිලධාරිවරයා පවසා සිටියේ ජනාධිපතිවරයාගේ මව සිය රෝහලේ ප්‍රතිකාර නොලබන බවයි.එමෙන්ම ජනාධිපති අනුර කුමාර දිසානායක ද ලංකා රෝහල වෙත නොපැමිණි බව හෙතෙම සඳහන් කළේ ය.

ඒ අනුව ජනාධිපතිවරයා තම මව බැලීම සඳහා හෙලිකොප්ටර් යානයකින් පැමිණි බව සහ ජනාධිපතිවරයාගේ මව අනුරාධපුරයේ සිට නාරාහේන්පිට පිහිටි ලංකා රෝහල වෙත හෙලිකොප්ටරයකින් ගෙන ආ බව සඳහන් පෝස්ටු සාවද්‍ය ය.

මෙම  වීඩියෝව ගුවන් හමුදාවේ ගිනි නිවීමේ සෙබලුන් සඳහා ලබා දෙනු ලැබූ පුහුණු අභ්‍යාසයක දී ගන්නා ලද වීඩියෝවක් බව FactSeeker තහවුරු කරයි.